Přijězd

Twarjenja Sakskeho krajneho sejma leža njeposrědnje   při brjoze Łobja na kromje historiskeho centruma Drježdźanskeho stareho města mjez Marijinym mostom a Awgustusowym mostom. Semperowa opera a Cwinger wobmjezujetej ležownosć krajneho sejma do wuchodneho směra. Na zapadźe słuža orientaciji hotel w něhdyšim Erlwein-składźe z mjezynarodny kongresowym centrumom ICC a Yenidze (napodobnjenje mošeje).

Wopytowarjo plenarnych posedźenjow a wobydlerskeho foyera njech wužiwaja prošu wobydlerski zachod nowotwara direktnje při brjoze Łobja. Wopytowarjo frakcijow a zarjadnistwa krajneho sejma njech wužiwaja prošu zachod stareho twara.

Stejaki za kolesa su před woběmaj zachodomaj. Twarjenja a zelenišća su zbrašenym wotpowědowace.

 

Přijězd ze zjawnymi wobchadnymi srědkami

Železnica

  • dwórnišćo „Drježdźany – nowe město" , potom dale ze spěšnoželeznicu abo tramwajku linija 11
  • dwórnišćo „Drježdźany – hłowne dwórnišćo, potom dale ze spěšnoželeznicu abo tramwajku linija 11
  • spěšnoželeznica -> zastanišćo „Drježdźany - srjedźa", potom dale pěši směr Łobjo

Tramwajka

  • z liniju 4, liniju 8, liniju 9 hač k zastanišću „Theaterplatz"
  • z liniju 11 hač k zastanišću „Am Zwingerteich

karta wokoliny

Přijězd z motorskim jězdźidłom ze směra

awtodróha A 4 ze směra zapad a zwjazkowa dróha 6 ze směra Mišno

awtodróhowy wotjězd Drježdźany-stare město, zwjazkowa dróha 6 hač ke křižowanišću Magdeburgska/Weißeritzska dróha, před Yenidze nalěwo k Łobju wotbočić a potom naprawo na Ostra-brjoze pod Marijinym mostom na Devrientowu dróhu zajěć

awtodróze A 4 a A 13 ze směra sewjer

awtodróhowy wotjězd Drježdźany-Hellerau, zwjazkowa dróha 170, E 55, w centrumje na Wulkej Mišnjanskej dróze hač k Nowoměšćanskemu torhošću, we wysokosći Złoteho jěcharja naprawo na Awgustusowy móst zajěć, při Terasowym brjoze nalěwo wotbočić

awtodróha A 17 ze směra juh
zwjazkowa dróha 170 ze směra Dippoldiswalde
zwjazkowa dróha 172 ze směra Pirna/Heidenau

awtodróhowy wotjězd Drježdźany-juh, jěć po zwjazkowej dróze (E55) do centruma města hač ke Carolinemu mostej, před tutym mostom naprawo wotbočić na Pillnitzsku dróhu, hnydom nalěwo na Kamjentnu dróhu wotbočić a při Łobju Terasowemu brjohej nalěwo hač ke krajnemu sejmej sćěhować

zwjazkowa dróha 6 ze směra Budyšin

zwjazkowa dróha hač k Albertowemu naměstu, nalěwo wotbočić na Albertowu dróhu, přez Caroliny móst, za mostom naprawo při nowej synagoze wotbočić a horu Hasenberg dele jěć, při Łobju Terasowemu brjohej nalěwo hač ke krajnemu sejmej sćěhować

Radebeul

po Lipsčanskej dróze do centruma hač ke křižowanišću Antonowa dróha (železniski móst), runje dale po Wulkej Mišnjanskej dróze hač k Nowoměšćanskemu torhošću, we wysokosći Złoteho jěcharja naprawo na Awgustusowy móst zajěć, před Semperowej operu naprawo wotbočić, potom na Terasowym brjoze nalěwo wotbočić

parkowanje

Pod Naměstom Bernharda-von-Lindenau su płaćomne parkowanske móžnosće w podzemskej garaži „Semperowa opera". Přijězd je móžny po Devrientowej dróze abo po Terasowym brjoze.

Před zachodom stareho twara na Naměsće Bernharda-von-Lindenau/Devrientowa dróha su štyri městna za krótkodobne parkowanje. Z nich je jedne městno za zbrašenych reserwowane.

Pućowanske busy móža za přistup a wustup na dróze „Am Zwingerteich” zastać.